BİZNES

PayPal məşhur sosial media platformasını almağa hazırlaşır

0

Bütün dünyada populyarlığını qoruyan rəqəmsal ödəniş şirkəti PayPal şirkətlərinin sayını artırır. Onlayn alış-veriş etməyi və e-poçt vasitəsi ilə pul göndərməyi və almağı təmin edən şirkət populyar sosial media tətbiqini satın alaraq gəlirini artırmaq istəyir.

2020-ci ildə açıqlanan məlumatlara görə, illik 21,45 milyard dollar gəlir təmin edən PayPal-da Venmo, Xoom, Zettle və Honey başda olmaqla müstəqil sektorlardan bir çox şirkət var.

Yeni ortaya çıxan xəbərlər PayPal daxilində şirkətlərin sayının artacağını söyləyir.

Məşhur sosial media platforması Pinterest-i almağa hazırlaşan PayPal şirkətlə görüş keçirib. Bu xəbərə görə Pinterest-in səhmləri artaraq 62.68 dollara yüksəlib. Pinterest görüşlə bağlı açıqlama verməkdən imtina edib. PayPal isə suallara cavab verməyib.

Əgər şirkətlər razılığa gəlsələr, Pinterest PayPal-a 39 milyard dollara başa gələcək. Bu isə o deməkdir ki, Pinterest indiyə qədər satılan ən bahalı sosial media platformasına çevriləcək.

Instagram vaxtilə Facebook-a təxminən 1 milyard dollara, WhatsApp isə 19 milyard dollara satılmışdı. Slack üçün Saleforce tərəfindən 27 milyard dollar  ödənilmişdi.

Tech Talks geri dönür

Əvvəlki

İlon Mask dünyanın ilk trilyoneri ola bilər

Sonrakı

Rəylər

Login/Sign up